რუსეთში დაკავებული ქართველი მზვერავის დედა ივანიშვილისგან პატიმრების გაცვლას მოითხოვს

რუ­სეთ­ში და­პა­ტიმ­რე­ბუ­ლი ქარ­თვე­ლი მზვე­რა­ვის, ზა­ზა ხერ­კე­ლა­ძის­ დე­დას­თან, ქალ­ბა­ტონ ზე­ი­ნარ­თან სა­უ­ბა­რი საკ­მა­ოდ დიდ­ხანს გაგ­რძელ­და. ეს არ იყო ჩვე­უ­ლებ­რი­ვი ინ­ტერ­ვი­უ. ეს უფ­რო და­ტან­ჯუ­ლი, თუმ­ცა ჯერ კი­დევ გა­უ­ტე­ხე­ლი დე­დის გუ­ლის­ნა­დე­ბის, ში­ში­სა და იმე­დის ამოთ­ქმა იყო.

- ქალ­ბა­ტო­ნო ზე­ი­ნარ, რო­დის შე­იტყ­ვეთ ვლა­დი­კავ­კაზ­ში თქვე­ნი შვი­ლის და­კა­ვე­ბის ამ­ბა­ვი?

- 28 ივ­ნი­სს ჩე­მი ქა­ლიშ­ვი­ლის, მზი­ას და­ბა­დე­ბის დღე­ა. 2008 წლის 28 ივ­ნისს ზა­ზამ დას რომ არ და­უ­რე­კა მი­სა­ლო­ცად, ყვე­ლას გაგ­ვიკ­ვირ­და. ჩვენ რომ და­ვუ­რე­კეთ, ტე­ლე­ფო­ნი გა­თი­შუ­ლი ჰქონ­და. შემ­დეგ მი­სი სამ­სა­ხუ­რის ხალ­ხი და­მეხ­მა­რა ვი­ზის მი­ღე­ბა­ში, ვლა­დი­კავ­კაზ­ში სას­წრა­ფოდ რომ წავ­სუ­ლი­ყა­ვი. იყო რე­ა­ლუ­რი სა­შიშ­რო­ე­ბა, რომ ზა­ზას მე­უღ­ლე, რო­მე­ლიც ასე­ვე და­კა­ვე­ბუ­ლი იყო, ჯა­შუ­შად გა­მო­ეცხ­ა­დე­ბი­ნათ, ხო­ლო ერ­თი წლის ტყუ­პი - ანი და ნი­კო­ლო­ზი - "პრი­უტ­ში" ჩა­ე­ბა­რე­ბი­ნათ.

- ზა­ზას მა­ლე შეხ­ვდით?

- მე­ო­რე დღეს­ვე და­მი­ბა­რეს იქა­ურ უშიშ­რო­ე­ბა­ში. გა­მოვ­ცხად­დი, ბავ­შვე­ბიც წა­ვიყ­ვა­ნე. ზა­ზა რომ შე­მო­იყ­ვა­ნეს, გა­მომ­ძი­ე­ბელს მი­უბ­რუნ­და და სთხო­ვა, ჩემ­თვის მი­სი ცოლ­-შვი­ლის სა­ბუ­თე­ბი და­ებ­რუ­ნე­ბი­ნათ და გა­მო­ვეშ­ვით. გა­მომ­ძი­ე­ბელ­მა კი პას­პორ­ტი გა­მო­მარ­თვა და გა­ნუცხ­ა­და, შენს ცოლს დე­და­შე­ნიც და­ე­მა­ტე­ბა, ბავ­შვებს კი "პრი­უტ­ში" გა­ვუშ­ვებ­თო.

- გა­სა­გე­ბი­ა, ეს თქვენს შვილ­ზე ზე­მოქ­მე­დე­ბის ხერ­ხი იყო. შემ­დეგ რა მოხ­და?

- მე, ჩე­მი რძა­ლი და ბავ­შვე­ბი გა­მოგ­ვიშ­ვეს, სა­ბუ­თე­ბი კი და­ი­ტო­ვეს. რამ­დე­ნი­მე დღე­ში და­იწყო რუ­სეთ­-სა­ქარ­თვე­ლოს ომი. ვლა­დი­კავ­კა­ზის ქუ­ჩებ­ში მან­ქა­ნე­ბი რომ და­დი­ოდ­ნენ, რა­დიო მა­ღალ ხმა­ზე ჰქონ­დათ ჩარ­თუ­ლი და ყვე­ლა მხრი­დან ის­მო­და, და­ა­კა­ვეს სა­ქარ­თვე­ლოს დაზ­ვერ­ვის თა­ნამ­შრო­მე­ლი, ახალ­გაზ­რდა ოფი­ცე­რი ესა და ესო. დღე­საც არ ვი­ცი, იქ, სა­დაც ვცხოვ­რობ­დით, სპე­ცი­ა­ლუ­რად აკე­თებ­დნენ ამას, თუ მთელ ქა­ლაქ­ში ასე ხდე­ბო­და. ში­შის ზარ­მა აგ­ვი­ტა­ნა. ჩე­მი რძა­ლი ნერ­ვი­უ­ლო­ბისგან ცუ­დად შე­იქ­ნა და სას­წრა­ფოდ სა­ა­ვად­მყო­ფო­ში და­აწ­ვი­ნეს. ერ­თხელ მა­ღა­ზი­ა­ში ჩა­ვე­დი ბავ­შვე­ბის­თვის რძის სა­ყიდ­ლად, გამ­ყიდ­ვე­ლი ოსი ქა­ლი იყო. იცო­და, ვინც ვი­ყა­ვით, და­ნას ხე­ლი და­ავ­ლო და გა­რეთ გა­მოგ­ვყა­რა, - თქვე­ნი ხალ­ხი ტან­კე­ბით ხო­ცა­ვენ ცხინ­ვალ­ში ჩვე­ნებ­სო. ამის შემ­დეგ გა­რეთ ვერ გავ­დი­ო­დით. თუმ­ცა ყვე­ლა ასე არ გვექ­ცე­ო­და. ოსი ბი­ჭი, რო­მელ­საც დე­და მო­ხე­ვე ჰყავ­და, გვერ­დით დაგ­ვიდ­გა და გვპატ­რო­ნობ­და - ღა­მით ჩუ­მად მო­დი­ო­და და საჭ­მე­ლი მოჰ­ქონ­და. და­ბინ­დე­ბი­სას ში­შით შუქ­საც ვერ ვან­თებ­დით, ვი­თომ სახ­ლში არ ვი­ყა­ვით. თით­ქმის ორი თვე ასე გა­ვა­ტა­რეთ.

- ზა­ზას­გან რა ის­მო­და?

- არა­ფე­რი. ისევ მე და­ვუ­კავ­შირ­დი ზა­ზას სა­ხა­ზი­ნო ად­ვო­კატს და ვთხო­ვე, წე­რილს დავ­წერ, რუ­სუ­ლად თარ­გმნე და პრო­კუ­რა­ტუ­რა­ში შე­ი­ტა­ნე-­მეთ­ქი. მან თა­ვი­სი ტე­ლე­ფო­ნით ჩე­მი სა­ცო­და­ვი შვი­ლიშ­ვი­ლე­ბიც გა­და­ი­ღო, შიმ­ში­ლით რომ მე­ხო­ცე­ბოდ­ნენ. მი­სი წას­ვლი­დან ნა­ხე­ვარ სა­ათ­ში და­მი­ბა­რეს გა­მომ­ძი­ე­ბელ­თან, რო­მელ­მაც მითხ­რა, თქვე­ნი შვი­ლი ვერ გად­მო­ვი­ბი­რეთ და სა­ბუ­თებს გიბ­რუ­ნებ­თო. თან და­მამ­შვი­და: ასე ნუ გა­ნიც­დით, ეს პო­ლი­ტი­კუ­რი და­კა­ვე­ბა­ა, სა­ქარ­თვე­ლო­ში ჩვე­ნი ხალ­ხიც ჰყავთ და­კა­ვე­ბუ­ლი და გა­იც­ვლე­ბი­ა­ნო. არა­და, თურ­მე ზა­ზა უკ­ვე მოს­კოვ­ში ჰყავ­დათ გა­დაყ­ვა­ნი­ლი. ჩე­მი რძა­ლიც გა­მო­ვიყ­ვა­ნეთ სა­ა­ვად­მყო­ფო­დან და სა­ქარ­თვე­ლო­ში დაბ­რუ­ნე­ბა მო­ვინ­დო­მეთ. ქა­ლაქ მინ­ვო­დის აე­რო­პორ­ტში სა­ბუ­თე­ბი ჩა­მოგ­ვარ­თვეს, ჩვე­ნი თან­მხლე­ბი ოსი ბი­ჭი კი და­ა­კა­ვეს, - იცი, ვის ეხ­მა­რე­ბი­ო? თუმ­ცა მა­ლე გა­უშ­ვეს. მხო­ლოდ ერ­თი კვი­რის შემ­დეგ შევ­ძე­ლით ერე­ვან­ში ჩაფ­რე­ნა და იქი­დან სა­ქარ­თვე­ლო­ში ჩა­მოს­ვლა.

- ვი­ცი, რომ ზა­ზა სამ­სა­ხუ­რის საქ­მე­ებ­ზე შინ არა­ფერს ლა­პა­რა­კობ­და. თქვენ თუ ხვდე­ბო­დით რას საქ­მი­ა­ნობ­და?

- ზა­ზა არის ხე­ვის წე­სე­ბით გაზ­რდი­ლი ვაჟ­კა­ცი, რო­მელ­მაც თვი­თონ­ვე მი­აღ­წია ყვე­ლა­ფერს. ზა­ზა თავი­სი "მე­გობ­რე­ბი­ვით" ლა­ჩა­რი არ არის, რომ­ლებ­მაც უღა­ლა­ტეს, გა­უშ­ვეს და თან "ჩა­უშ­ვეს".

- ქალ­ბა­ტო­ნო ზე­ი­ნარ, სა­ქარ­თვე­ლოს წი­ნა ხე­ლი­სუფ­ლე­ბა კა­ტე­გო­რი­უ­ლად უარ­ყოფ­და ზა­ზა ხერ­კე­ლა­ძის კავ­შირს სა­ხელ­მწი­ფო სტრუქ­ტუ­რებ­თან?

- ჩე­მი შვი­ლი არის სა­გა­რეო დაზ­ვერ­ვის ოპე­რა­ტი­უ­ლი სამ­მარ­თვე­ლოს უფ­რო­სის მო­ად­გი­ლე, უფ­რო­სი ლე­ი­ტე­ნან­ტი. ამი­ტომ 2008 წლის სექ­ტემ­ბერ­ში, ვლა­დი­კავ­კა­ზი­დან ჩა­მოს­ვლის შემ­დეგ, შევ­ხვდი ამ უწყ­ე­ბის უფ­როს გე­ლა ბე­ჟუ­აშ­ვილს, რო­მე­ლიც დამ­პირ­და, ყვე­ლა­ფერს გა­ვა­კე­თებთ და თქვენს შვილს ვუშ­ვე­ლი­თო. ეს იყო პირ­ვე­ლი და უკა­ნას­კნე­ლი შეხ­ვედ­რა მას­თან.

ამის შემ­დეგ რე­გუ­ლა­რუ­ლად ვითხ­ოვ გე­ლა ბე­ჟუ­აშ­ვილ­თან შეხ­ვედ­რას, მაგ­რამ ის სხვა­დას­ხვა მი­ზე­ზით თავს მა­რი­დებს. წე­რი­ლი გა­და­ვე­ცით სა­ქარ­თვე­ლოს პარ­ლა­მენ­ტის ყო­ფილ თავ­მჯდო­მა­რე და­ვით ბაქ­რა­ძეს. ერ­თხელ, რო­ცა მი­ხე­ილ სა­ა­კაშ­ვი­ლი დუ­შეთ­ში იყო ამო­სუ­ლი, რო­გორ­ღაც მო­ვა­ხერ­ხე, დაც­ვას ხე­ლი­დან და­ვუს­ხლტი და პი­რა­დად გა­და­ვე­ცი მას ჩე­მი გან­ცხა­დე­ბა. სა­ა­კაშ­ვი­ლის მთავ­რო­ბამ იცო­და ჩე­მი შვი­ლის ამ­ბა­ვი, მაგ­რამ მე­უბ­ნე­ბოდ­ნენ ჩუ­მად ვყო­ფი­ლი­ყა­ვი - კედ­ლებ­მაც კი არ უნ­და გა­ი­გონონ რა­მე, ამით ზა­ზას მდგო­მა­რე­ო­ბა კი­დევ უფ­რო დამ­ძიმ­დე­ბა­ო. ასე მე­უბ­ნე­ბოდ­ნენ თით­ქმის ხუ­თი წლის გან­მავ­ლო­ბა­ში და არა­ფერს აკე­თებ­დნენ.

- ახ­ლა რას აპი­რებთ?

- თხოვ­ნით მივ­მარ­თე სა­ქარ­თვე­ლოს კა­თა­ლი­კოს­-პატ­რი­არქ ილია მე­ო­რეს, ოფი­ცი­ა­ლუ­რი გან­ცხა­დე­ბა გა­ვუგ­ზავ­ნე პრე­მი­ერ­-მი­ნისტრ ბი­ძი­ნა ივა­ნიშ­ვილს, სა­ქარ­თვე­ლოს პარ­ლა­მენტს, სა­ქარ­თვე­ლოს სა­გა­რეო საქ­მე­თა და იუს­ტი­ცი­ის სა­მი­ნის­ტრო­ებს. საქ­მის კურ­სში არი­ან ეკა ბე­სე­ლი­ა, თეა წუ­ლუ­კი­ა­ნი, არ­ჩილ კბი­ლაშ­ვი­ლი და ბევ­რი პო­ლი­ტი­კო­სი. რა ვი­ცი, ყვე­ლას ვთხოვ დახ­მა­რე­ბას. თუმ­ცა ჯერ არა­ფე­რი ჩანს სა­ი­მე­დო: მთავ­რო­ბის კან­ცე­ლა­რია ჩემს გან­ცხა­დე­ბას იუს­ტი­ცი­ის სა­მი­ნის­ტროს უგ­ზავ­ნის, ის - სა­გა­რეო საქ­მე­თა სა­მი­ნის­ტროს. ის კვლავ იუს­ტი­ცი­ას უბ­რუ­ნებს და უკ­ვე სა­მი თვეა "ჯა­დოს­ნუ­რ წრე­ზე" ვტრი­ა­ლებთ. თუ ეს ბი­უ­როკ­რა­ტია კი­დევ გაგ­რძელ­და, შიმ­ში­ლო­ბას და­ვიწყ­ებ.

თქვე­ნი გა­ზე­თის სა­შუ­ა­ლე­ბით­ მინ­და მივ­მარ­თო ბა­ტონ ბი­ძი­ნა ივა­ნიშ­ვილს:

ბა­ტო­ნო ბი­ძი­ნა, იმე­დი­ა, თქვენც არ ეც­დე­ბით ჩემს გა­ჩუ­მე­ბას. არ მა­ი­ძუ­ლებთ, გავ­ჩუმ­დე. სა­ხელ­მწი­ფო ვალ­დე­ბუ­ლი­ა, და­ეხ­მა­როს ჩემს შვილს. ის ამ გან­საც­დელ­ში სამ­შობ­ლოს გა­მო აღ­მოჩ­ნდა! გა­წუ­ხებთ თქვენ, რად­გან ქარ­თველ ხალხს მხსნე­ლად მო­ევ­ლი­ნეთ და იქ­ნებ თქვენ მა­ინც უშ­ვე­ლოთ ჩემს შვილს და ჩემს ოჯახს! მე ვი­ცი, რომ არი­ან სა­ქარ­თვე­ლო­ში და­პა­ტიმ­რე­ბუ­ლი რუ­სე­თის მო­ქა­ლა­ქე­ე­ბი და იქ­ნებ მოხ­დეს გაც­ვლა.

ამ ზაფ­ხულს ხუ­თი წე­ლი შეს­რულ­დე­ბა, რაც ზა­ზა ხერ­კე­ლა­ძე რუ­სე­თის სის­ხლის სა­მარ­თლის კო­დექ­სის 276-ე მუხ­ლით (ჯა­შუ­შო­ბა) რუ­სეთ­ში იხ­დის სას­ჯელს. წი­ნა ხე­ლი­სუფ­ლე­ბის ლი­დე­რე­ბი და მათ­და­მი დაქ­ვემ­დე­ბა­რე­ბუ­ლი სპეც­სამ­სა­ხუ­რი კი და­მა­ლო­ბა­ნას თა­მაშს გა­ნაგ­რძო­ბენ. მი­ხე­ილ სა­ა­კაშ­ვილს მხო­ლოდ მა­შინ გა­ახ­სენ­და რუ­სე­თის ცი­ხე­ებ­ში მყო­ფი ჩვე­ნი მო­ქა­ლა­ქე­ე­ბი, რო­ცა პო­ლიტ­პა­ტიმ­რე­ბის გა­თა­ვი­სუფ­ლე­ბის სა­წი­ნა­აღ­მდე­გო არ­გუ­მენ­ტე­ბი შე­მო­ე­ლი­ა. 2013 წლის 16 იან­ვარს მის­მა მო­რიგ­მა ცი­ნი­კურ­მა გან­ცხა­დე­ბამ კი­დევ ერ­თხელ დაგ­ვა­ნახ­ვა, რომ ზო­გი­ერთ პო­ლი­ტი­კოსს ადა­მი­ა­ნე­ბის ტან­ჯვა არაფ­რად უღირს. სა­ქარ­თვე­ლოს პრე­ზი­დენ­ტის გან­ცხა­დე­ბით: "სა­ქარ­თვე­ლოს პარ­ლა­მენ­ტმა გა­უშ­ვა რუ­სე­თის ფე­დე­რა­ცი­ის მო­ქა­ლა­ქე­ე­ბი, მათ შო­რის, გე­ვორ­ქი­ა­ნი, სკრილ­ნი­კო­ვი, ბევ­რი სხვა და გა­უშ­ვა ყო­ველ­გვა­რი პი­რო­ბის გა­რე­შე. არის სა­ქარ­თვე­ლოს რამ­დე­ნი­მე მო­ქა­ლა­ქე და რამ­დე­ნი­მე ადა­მი­ა­ნი, ვინც გა­სა­მარ­თლე­ბუ­ლია რუ­სე­თის ფე­დე­რა­ცი­ა­ში, რო­გორც სა­ქარ­თვე­ლოს მზვე­რა­ვი და იხ­დის იქ სას­ჯელს. ჩვენ არ ვა­ღი­ა­რებთ, რომ ისი­ნი არი­ან მზვე­რა­ვე­ბი, მაგ­რამ ისი­ნი არი­ან გა­სა­მარ­თლე­ბუ­ლე­ბი ამ მუხ­ლით. ვი­ცი, რომ არ­სე­ბობ­და გეგ­მე­ბი შე­სა­ბა­მი­სი სამ­სა­ხუ­რე­ბის, იმ პი­რო­ბებ­შიც კი, რო­დე­საც ისი­ნი არ არი­ან აღი­ა­რე­ბუ­ლე­ბი ჩვენს მი­ერ, რო­გორც მზვე­რა­ვე­ბი, მაგ­რამ არი­ან ჩვე­ნი მო­ქა­ლა­ქე­ე­ბი, მომ­ხდა­რი­ყო მა­თი გაც­ვლა რუ­სე­თის ფე­დე­რა­ცი­ის კარ­გად და­დას­ტუ­რე­ბულ ჯა­შუ­შებ­ზე სა­ქარ­თვე­ლოს შიგ­ნით, რო­მ­ლებიც ჩვენ გვყავ­და და­პა­ტიმ­რე­ბუ­ლი. ამით სა­ქარ­თვე­ლოს პარ­ლა­მენ­ტმა, პრაქ­ტი­კუ­ლად, უა­რი თქვა ჩვე­ნი მო­ქა­ლა­ქე­ე­ბის გა­თა­ვი­სუფ­ლე­ბა­ზე რუ­სეთ­ში, იმი­ტომ, რომ ცალ­მხრი­ვად, უპი­რო­ბოდ გა­ა­თა­ვი­სუფ­ლა ეს ხალ­ხი ჩვე­ნი ცი­ხე­ე­ბი­დან. მინ­და, ყვე­ლას ვუთხ­რა, რომ ეს არის ძა­ლი­ან ცუ­დი პრე­ცე­დენ­ტი. ის­ტო­რია გან­სჯის მათ, ვინც ეს გა­ა­კე­თა". ეს გან­ცხა­დე­ბა ნათ­ლად გვიჩ­ვე­ნებს, რომ პრე­ზი­დენ­ტს და პი­რა­დად მას დაქ­ვემ­დე­ბა­რე­ბუ­ლ სპეც­სამ­სა­ხუ­რე­ბის ხელ­მძღვა­ნე­ლებს ხუ­თი წლის გან­მავ­ლო­ბა­ში ვერ ჩა­მო­უ­ყა­ლი­ბე­ბი­ათ პო­ზი­ცია 2008 წელს რუ­სე­თის ტე­რი­ტო­რი­ა­ზე და­კა­ვე­ბუ­ლი ქარ­თვე­ლი მო­ქა­ლა­ქე­ე­ბის მი­მართ. თუ იმ­ხა­ნად ოფი­ცი­ა­ლუ­რი კო­მენ­ტა­რე­ბი მხო­ლოდ გაც­ვე­თი­ლი ფრა­ზე­ბით შე­მო­ი­ფარ­გლე­ბო­და: "ეს არა­სე­რი­ო­ზუ­ლი­ა", "ეს რუ­სე­თის მო­რი­გი დე­ზინ­ფორ­მა­ცია და პრო­ვო­კა­ცი­ა­ა" და ა.შ. ახ­ლა აღ­მოჩ­ნდა, რომ რუ­სეთ­ში და­კა­ვე­ბულ ქარ­თველ მო­ქა­ლა­ქე­ებს მზვე­რა­ვე­ბად არ ვა­ღი­ა­რებთ, თუმ­ცა გაც­ვლა გვინ­დო­და­ო. უცხ­ო­ეთ­ში გა­სა­ჭირ­ში მყოფ სა­ქარ­თვე­ლოს მო­ქა­ლა­ქეს ან თუნ­დაც ეთ­ნი­კურ ქარ­თველს უპატ­რო­ნოდ რომ მი­ა­ტო­ვებს, რად გვინ­და ასე­თი ხე­ლი­სუფ­ლე­ბა? 2008 წლის 28 ივ­ნი­სი­დან დღემ­დე რა გა­ა­კე­თა სა­ა­კაშ­ვილ­მა და მის­მა ხე­ლი­სუფ­ლე­ბამ ზა­ზა ხერ­კე­ლა­ძის და­სახ­მა­რებ­ლად? იუ­რის­ტმა სა­ა­კაშ­ვი­ლმა კარ­გად უნ­და იცო­დეს სა­ქარ­თვე­ლოს კონ­სტი­ტუ­ცია და ძი­რი­თა­დი კა­ნო­ნე­ბი. შე­იძ­ლე­ბა და­ა­ვიწყ­და, ამი­ტომ შე­ვახ­სე­ნებთ:

"სა­ქარ­თვე­ლოს კონ­სტი­ტუ­ცი­ა", მუხ­ლი 13.

"სა­ქარ­თვე­ლო მფარ­ვე­ლობს თა­ვის მო­ქა­ლა­ქეს გა­ნურ­ჩევ­ლად მი­სი ად­გილ­სამ­ყო­ფე­ლი­სა".

სა­ქარ­თვე­ლოს ორ­გა­ნუ­ლი კა­ნო­ნი "სა­ქარ­თვე­ლოს მო­ქა­ლა­ქე­ო­ბის შე­სა­ხებ"

მუხ­ლი 6. სა­ქარ­თვე­ლოს მო­ქა­ლა­ქე­თა უფ­ლე­ბებს, თა­ვი­სუფ­ლე­ბებ­სა და კა­ნო­ნი­ერ ინ­ტე­რე­სებს თა­ვის ტე­რი­ტო­რი­ა­ზე და მის ფარ­გლებს გა­რეთ იცავს სა­ქარ­თვე­ლო".

"სა­ქარ­თვე­ლოს კა­ნო­ნი სა­დაზ­ვერ­ვო საქ­მი­ა­ნო­ბის შე­სა­ხებ":

მუხ­ლი 11. პუნ­ქტი 6. "სა­ქარ­თვე­ლოს დაზ­ვერ­ვის სის­ტე­მის იმ სამ­ხედ­რო მო­სამ­სა­ხუ­რეს, რო­მე­ლიც სა­დაზ­ვერ­ვო საქ­მი­ა­ნო­ბი­სათ­ვის და­ა­კა­ვეს ან და­ა­პა­ტიმ­რეს საზღ­ვარ­გა­რეთ, უნარ­ჩუნ­დე­ბა ყო­ველ­თვი­უ­რი ფუ­ლა­დი ანაზღ­ა­უ­რე­ბა სრუ­ლი ოდე­ნო­ბით და და­კა­ვე­ბის ან პა­ტიმ­რო­ბის ერ­თი დღე ეთ­ვლე­ბა ნამ­სა­ხუ­რო­ბის სამ დღედ. სა­ქარ­თვე­ლოს საზღ­ვრებს გა­რეთ სა­დაზ­ვერ­ვო საქ­მი­ა­ნო­ბის­თვის სა­ქარ­თვე­ლოს სა­დაზ­ვერ­ვო სის­ტე­მის სამ­ხედ­რო მო­სამ­სა­ხუ­რის და - ­/ან მი­სი ამ საქ­მი­ა­ნო­ბის­თვის ოჯა­ხის წევ­რე­ბის და­კა­ვე­ბის, და­პა­ტიმ­რე­ბის ან გა­სა­მარ­თლე­ბის შემ­თხვე­ვა­ში სა­ხელ­მწი­ფო ვალ­დე­ბუ­ლია ყო­ველ­მხრივ ხე­ლი შე­უწყ­ოს მათ სრულ გა­თა­ვი­სუფ­ლე­ბას".

P.S. კონ­სტი­ტუ­ცია და ზე­მო­აღ­ნიშ­ნუ­ლი კა­ნო­ნე­ბი პირ­და­პირ ავალ­დე­ბუ­ლებ­და სა­ა­კაშ­ვი­ლის ხე­ლი­სუფ­ლე­ბას, გა­ე­ტა­რე­ბი­ნა ქმე­დი­თი ღო­ნის­ძი­ე­ბე­ბი და­კა­ვე­ბუ­ლე­ბის და, უპირ­ვე­ლე­სად, სა­ქარ­თვე­ლოს მო­ქა­ლა­ქის, ზა­ზა ხერ­კე­ლა­ძის უფ­ლე­ბე­ბი­სა და თა­ვი­სუფ­ლე­ბის და­სა­ცა­ვად. ამას­თა­ნა­ვე, პირ­და­პირ უნ­და გან­ვაცხ­ა­დოთ: სა­ა­კაშ­ვილ­მა კარ­გად იცის, რომ ის პი­როვ­ნე­ბა, ვი­სზე­დაც ზა­ზა ხერ­კე­ლა­ძის გაც­ვლას რუ­სე­თი ჯერ კი­დევ 2011 წლის ზაფ­ხუ­ლი­დან გვთა­ვა­ზობ­და, "პო­ლიტ­პა­ტიმ­რე­ბის სი­ა­ში" არ არის და სა­ქარ­თვე­ლოს პარ­ლა­მენტს არ გა­უ­თა­ვი­სუფ­ლე­ბი­ა! ამ პი­როვ­ნე­ბის შე­სა­ხებ ჩვენ გვაქვს დო­კუ­მენ­ტუ­რი მა­სა­ლა, რო­მელ­საც "ყვე­ლა სი­ახ­ლის" შემ­დეგ ნო­მერ­ში გა­გაც­ნობთ.

ბესიკ ალადაშვილი,

უშიშროების გადამდგარი

პოლკოვნიკი, ექსპერტი

ეროვნული უსაფრთხოების

საკითხებში

ყოველკვირეული გაზეთი "ყველა სიახლე"

(გამოდის ოთხშაბათობით)