ონკოლოგიური ცენტრი სახელმწიფო მართვაში გადავა

ჯანდაცვის მინისტრის, დავით სერგეენკოს განცხადებით, საავადმყოფოების და სამედიცინო დაწესებულებების მუნიციპალურ მართვაში მასობრივად გადასვლა არ იგეგმება. როგორც ჟურნალისტებთან საუბრისას დავით სერგეენკომ განაცხადა, სახელმწიფოს მართვაში გადავა ნაციონალური ონკოლოგიური ცენტრი და კომპანია "ადითის" მართვის ქვეშ მყოფი კლინიკები.

მინისტრმა აღნიშნა, რომ ამ დროისთვის ჯანდაცვის სამინისტრო, ანუ სახელმწიფო, სამედიცინო დაწესებულებების გადმოცემის პროცესს აწარმოებს.

"სხვა სამედიცინო დაწესებულებების მუნიციპალურ მართვაში გადაცემა მასობრივად არ მოხდება", - აღნიშნა სერგეენკომ.

"ინტერპრესნიუსი"