შერმადინის და სანიკიძის "სარაგოსა" მაისურზე "საქართველოს" დაიწერს
საკმაოდ სენსაციურ სიახლეს აქვეყნებს ესპანური "ერალდო", რომლის თანახმადაც - საკალათბურთო კლუბი "სარაგოსა" მაისურზე სპონსორის ადგილზე დაიწერს - საქართველოს (Georgia). დაახლოებით ისე, როგორც მადრიდის "ატლეტიკოს" ფეხბურთში აზერბაიჯანი აწერია.
გამოცემის ინფორმაციით, სპონსორული შეთანხმება ჯერ სამუშაო პროცესშია. ახლა კლუბს წინა მხარეს Zaragoza Deporte აწერია, უკან კი A, რაც არაგონის აღმნიშვნელია.
გამოცემა ირწმუნება, რომ ამ საკითხზე საქართველოს პოლიტიკურ ხელმძღვანელობასთან მიდის მოლაპარაკება.
არაგონულმა კლუბმა ახლახან ორ ქართველ კალათბურთელთან, გიორგი შერმადინთან და ვიქტორ სანიკიძესთან გააფორმა ხელშეკრულება, ისინი უმალ გახდნენ გუნდის ლიდერები და თანამედროვე "სარაგოსას" სახე. ამიტომაც კლუბში გადაწყდა, სპონსორიც მათი სამშობლოდან მოიძიონ.
ერთ-ერთ ვერსიად განიხილება ევროთასების დროს "სარაგოსამ" მაისურზე "საქართველო" დაიწეროს, რაც ამ ქვეყანაში ტურიზმის რეკლამირებას შეუწყობს ხელს.
ეს კარგი იქნება თავად "სარაგოსასთვისაც", რომელსაც ეკონომიკური სარგებელი ექნება გუნდში ორი ვარსკვლავის მიწვევისგან.
კორონავირუსის 2 171 ახალი შემთხვევა და 24 გარდაცვლილი - რამდენი ტესტი გაკეთდა გასულ 24 საათში
"ხომ ჩავეცი კომუნისტებს ლახვარი ზურგშიო!" - როგორ დაიწერა საბჭოური ცენზურის "ჩეპედ“ ქცეული ლექსი, რომლის გამოც კოლაუ ნადირაძე "აკრძალულ პოეტად" გამოაცხადეს
