კვირის ყველაზე კითხვადი სტატიები
თვის ყველაზე კითხვადი სტატიები
16:08 / 24-11-2013
"130 000 ადამიანი შეიძლება საცხოვრებლის გარეშე დარჩენილიყო"
მომავალი წლიდან თბილისის მერია ავარიული კორპუსების გამაგრებას დაიწყებს, რისთვისაც თბილისის ბიჯეტიდან 25 მილიონი ლარი უკვე გამოყოფილია, თუმცა ამისთვის 35 მილიონი ლარია საჭირო. საკრებულოს "ნაციონალური მოძრაობის" წევრის თემურ გრიგალაშვილის თქმით, დარჩენილი 10 მილიონის დამატება ცენტრალურ ხელისუფლებაზეა დამოკიდებული, რომელმაც ქალაქის მერიას ტრანსფერი 50 მილიონი ლარით შეუმცირა.

თუმცა გრიგალაშვილი იმედოვნებს, რომ ღარიბაშვილის მთვარობა ამ საკითხზე იმსჯელებს და საქმე მოსახლეობის სასიკეთოდ გადაწყდება.

"მთავარი პრიორიტეტი ავარიული სახლების კაპიტალური გამაგრებაა. თუ ჩვენ ამ ქმედებას დროულად არ დავიწყებდით, ჩნდებოდა საფრთხე, რომ 130 000 ადამიანი შეიძლება საცხოვრებლის გარეშე დარჩენილიყო. ეს იმის ფონზე, როცა 10 000 ოჯახი პრაქტიკულად, უსახლკაროა ან ისეთ პირობებში ცხოვრობს, რომ მას საცხოვრებელი არ ჰქვია.

"ამისთვის ჩვენ კონკრეტული ნაბიჯები გადავდგით. მიმდინარეობს კორპუსების ტენდერები და თებერვლიდან უკვე დაიწყება კორპუსების სრული გამაგრება. ამისთვის მერიას 25 მლნ ლარი აქვს შემოთავაზებული, თუმცა 35 მლნ-ია საჭირო", - განაცხადა საკრებულოს თავმჯდომარე ირაკლი შიხიაშვილმა. ამასთან, როგორც შიხიაშვილმა განაცხადა, უნდა დაიწყოს ქალაქში "ხრუშჩოვკების" დემონტაჟი.

"საკრებულომ უნდა დაიწყოს "ხრუშჩოვკების" დემონტაჟი და ჩვენ უნდა დავიწყოთ ახალი კორპუსების მშენებლობა, რომლითაც დავაკმაყოფილებთ ბინებით იმ ადამიანებს, რომლებიც ამ "ხრუშჩოვკებში" ცხოვრობენ და ამასთან, ქალაქს შევუქმნით საბინაო ფონდს. ეს პროექტი განხორციელდება კერძო ინვესტორების და სახელმწიფოს ურთიერთთანამშრომლობის საფუძველზე", - აცხადებს თბილისის საკრებულოს თავმჯდომარე.

თემურ გრიგლაშვილს ე.წ ხრუშჩოვკების დემონტაჟზე არაფერი სმენია. ავარიული კორპუსების გამაგრების პროექტს კი პოზიტიურად აფასებს. ამბობს, რომ თბილისში ძალიან ბევრი ავარიული კორპუსია, რომლებიც გამაგრებას საჭიროებს, თუმცა მისი თქმით, ერთ წელიწადში ეს პრობლემები ვერ აღმოიფხვრება.

"ე.წ ხრუშჩოვკების დემონტაჟზე დღეს წავიკითხე, ამასთან დაკავშირებით ვერაფერს მოგახსენებთ. რაც შეეხება გამაგრებას, ცალსახად პოზიტიური საკითხია და მხარდაჭერის გარდა ამ საკითხთან დაკავშირებით ვერაფერს გეტყვით.

"ზოგადად თბილისში ძალიან ბევრი ავარიული კორპუსია და რამდენადაც ინფორმაცია მაქვს, ეს არ არის შერჩეული ერთი, რომელიმე უბნის მიხედვით. ბუნებრივია, ეს პრობლემა ერთ წელიწადში ვერ აღმოიფხვრება, თუმცა კარგია, პირველი ნაბიჯები რომ იდგმება და რაღაც ნაწილი კორპუსებისა გამაგრდება.

"გამაგრების პროცესში მოხდება თუ არა მოსახლეობის გამოყვანა ამა თუ იმ კორპუსიდან, უცნობია. ეს დამოკიდებულია დაზიანების ხარისხზე და ასევე ამ პროექტზე, რომელზეც დაიწყება მუშაობა. ამაზე შესაბამის დასკვნას ექსპერტები დადებენ.

რაც შეეხება ე.წ იტალიური ეზოების გამაგრებას, ამასთან დაკავშირებითაც არსებობს რაღაც პროექტი. საკრებულოს თავმჯდომარეს ამასთან დაკავშირებით აქვს თუ არა კონკრეტული მოსაზრება, არ ვიცი. ჩემი აზრით, ეს გამაგრება მხოლოდ კორპუსებს არ უნდა ეხებოდეს, იმიტომ, რომ ამ ეზოებშიც ბევრი სახლია, რომლებიც გამაგრებას საჭიროებს.

"მაგრამ ეს დამოკიდებულია დედაქალაქის ბიუჯეტზე - ცნობილია, რომ ცენტრალურმა მთვარობამ თბილისის ტრანსფერი 50 მილიონი ლარით შეამცირა და თუ იქნება ხელისუფლების კეთილი ნება, ამისთვის გამოყოფილ 25 მილიონ ლარს კიდევ დაემატება 10 მილიონი ლარი და სამუშაოები ჩვეულებრივ შესრულდება. იმედი მაქვს, ხელისუფლება მოსახლეობის ინტერესს გაითვალისწინებს", - უთხრა "რეზონანსს" გრიგალაშვილმა.

საკრებულოს უმრავლესობის წევრის გიორგი მუსხელიშვილის თქმით, თბილისის მერიას ბიუჯეტი იმდენად არ აქვს შემცირებული, რომ კორპუსების გამაგრებასთან დაკავშირებით რაღაც პრობლემები შეიქმნას.

"ამ ეტაპზე საუბარია ავარიული შენობების
გამაგრებაზე. იტალიური ეზოების და ძველი უბნების გამაგრებას, რამდენადაც ვიცი, "თბილისის განვითარების ფონდი" ახორციელებს. თბილისის მერიას ბიუჯეტი იმდენად არ აქვს შემცირებული, რომ მოსახლეობას ამ მხრივ რაღაც პრობლემები შეექმნას.

"დღეის მდგომარეობით, დედაქალაქის მერიას 168 მილიონი ლარი აქვს დაუხარჯავი, სწორედ ამის გამო არ მისცა ცენტრალურმა მთავრობამ ის 50 მილიონი ლარი, აქედან გამომდინარე, ვერ დავეთანხმები მათ, რომ ვიღაცამ რამე დააკლო.

"ე.წ. ხრუშჩოვკების დემონტაჟი კი ჯერ არ დაიწყება, ამის მხოლოდ პროექტი არსებობს. ამასთან დაკავშირებით საკრებულოს თავმჯდომარე უცხოეთში იმყოფებოდა, რომ იქიდან მიიღოს დაფინანსება და დონორმა ორგანიზაციებმა გამოგვიყონ ფული ამ კორპუსების ადგილზე უფრო თანამედროვე ლამაზი კორპუსების ასაშენებლად", - ამბობს "რეზონანსთან" საუბარში მუსხელიშვილი.

"ხრუშჩოვკების" დემონტაჟის აუცილებლობაზე საუბრობს არქიტექტორი მერაბ ჩხენკელი, თუმცა მისი თქმით, მთავრობამ ეს ისე უნდა გააკეთოს, რომ ხალხი არ დაზარალდეს.

"ხრუშჩოვკების" დემონტაჟი საჭიროა, მაგრამ როგორ მოხდება ეს, კაცმა არ იცის. სახელმწიფომ ისე უნდა გააკეთოს, რომ მოსახლეობა არ დაზარალდეს და ეს პროცესები არ გაჭიანურდეს. ისე არ მოხდეს, რომ დაანგრევენ და მერე გაპარტახებულ სახლებს დატოვებენ, როგორც აკეთებდნენ ხოლმე", - გვითხრა ჩხენკელმა.

თიკო ოსმანოვა
გაზეთი ”რეზონანსი”
22:13 / 26-11-2013
saxli
0
მე თბილისელი კაცი ვარ, ხრუშჩოვკა , რომელშიც ვცხოვრობ ზუსტად ჩემი ასაკისაა-50 წლის, ვთვლი რომ ამ სახლების დემონტაჟის დრო ნამდვილად დადგა და გამიხარდება მეც და უამრავ ჩემს თანაქალაქელს, თუ მათ ადგილას უფრო კომფორტულ სახლებს ააშენებენ და ჩვენ ნორმალური ცხოვრების პირობები შეგვექმნება
21:34 / 26-11-2013
zura
0
ხრუშჩოვკების დემონტაჟი და მათ ადგილზე ახალი სახლების აშენება საჩქაროა და კარგი იდეაა, ამ სახლებს არსებობის დრო ამოეწურათ, მაინცდამაინც გასამაგრებელი უნდა გახდეს სახლი? დროული და სწორი გადაწყვეტილებაა ნამდვილად მიღებული.თანაც ეკონომიურადაც გამართლებული პროექტია, ეს თბილისისთვის მშვენიერი იდეაა.
მსგავსი სიახლეები
აქციის მონაწილეები მერიაში შესვლას დაახლოებით ათი წუთია ცდილობენ
"რაც მთავარია - მთელ ამ სივრცეს ენიჭება კულტურული მემკვიდრეობის ძეგლის სტატუსი"
ქრთამის აღების ფაქტზე სუს-მა დღეს, თბილისის მერიის თანამშრომელი ოთარ აბესაძე დააკავა
გამოძიება ქრთამის აღების ფაქტზე, საქართველოს სსკ-ის 338-ე მუხლის პირველი
PHOTO+VIDEO აქვე გთავაზობთ, როგორ გამოიყურება მსოფლიოს სხვადასხვა ქალაქის ულამაზესი ველობილიკები
დედაქალაქში გარევაჭრობის საწინააღმდეგო ღონისძიებები დასრულებულია
PHOTO+VIDEOგარემოვაჭრეებს უკანონო საქმიანობის გაგრძელების უფლება აღარ მიეცემათ
"მარჯანიშვილის" მიმდებარედ გარემოვაჭრეებს უნებართვო საქმიანობის განხორციელების უფლება აღარ მიეცათ
+VIDEO "დავით ნარმანიამ დღემდე ვერ გაიგო, რომ არ შეიძლება თანხები ფლანგო მხოლოდ იმიტომ, რომ ასიამოვნო ივანიშვილს"
ამ კატეგორიის სხვა სიახლეები
20:05 / 17-10-2017  Image მტკვრის მოულოდნელად ადიდების გამო მამაკაცი წყალში მანქანით აღმოჩნდა
მამაკაცი უსაფრთხო ადგილზე გამოსვლას ვეღარ ახერხებდა და დახმარებას საჭიროებდა
15:06 / 17-10-2017  Image "რუსთავი 2"-ის და "იმედის" თანამშრომლების "ფეისბუქ-ომი" "ნიჭიერის" რეიტინგის გამო
"რეკორდულად ცოტა დროში, რეკორდულად მაღალ რეიტინგიანი ნიჭიერი დაიდო"
15:05 / 17-10-2017  Image ზემო ლარსზე დააკავეს ქალი, რომელიც დაქორწინების შემდეგ ქმრებს სირიაში გზავნიდა - ФСБ
"პროფესიონალმა ქვრივმა" გადაწყვიტა ჯიჰადი საკუთარი ცხოვრების მიზნად ექცია"
11:50 / 17-10-2017  Image სილქნეტის სპეციალური შეთავაზება ახალი აბონენტებისთვის!
ახალი მომხმარებლები ორი თვის განმავლობაში უფასო სერვისებით ისარგებლებენ
16:47 / 17-10-2017  Image "სპარში" შეძენილ შოკოლადში მატლები აღმოჩნდა - Momxmarebeli.ge
საუბარია, ვაჟა-ფშაველას გამზირზე მდებარე ფილიალში შეძენილ პროდუქციაზე
პოპულარული კომენტარები
მე მაინტერესებს, რატომ იყო ქ-ნი ლიკა მარტო? რატომ დატოვა თუ მიატოვა ერთადერთმა შვილმა დედა, რომელმაც ზღვა სიყვარული დაიმსახურა ხალხში.. დედა, რომელიც იყო დეპრესიისკენ მიდრეკილი, რომელსაც სჭირდებოდა ყველაზე მეტად ის, რომ თავისი შვილი და შვილიშვილი ყოფილიყო მის გვერდით.. არ დამიწყოთ არავინ, რომ ყველას თავისი ცხოვრება აქვს და ა.შ. ყველა შვილი ვალდებულია, რომ განსაკუთრებით სიბერეში იყოს თავისი მშობლის გვერდით, მოუაროს და იზრუნოს მათზე.. სკაიპით მზრუნველობა არ მესმის მე.. პირველ რიგში შვილია დამნაშავე, რომ ეს ღვთაებრივი სილამაზე იმქვეყნად წავიდა.. შვილმა ვერ დააფასა და სხვას რა უნდა მოვსთხოვოთ..
ძალიან ვწუხვარ, მაგრამ რამდენი ,,სხვისი შვილი" მოუკლავთ თქვენი შვილისნაირ მთვრალ და დაუმორჩილებელ მძღოლებს, შეიძლება ზუსტად მაგ ფაქტით კიდევ ერთი უდანაშაულო სიცოცხლე გადაარჩინეს პატრულებმა. ეგ პოლიციელები ბევრად მსხვერპლნი არიან მოცემულ მომენტში. ბევრი ფაქტი მოხდა და თამამად ვამბობ, თქვენს შვილს რომ ვინმე გაეტანა, ის ციხეში არ ჩაჯდებოდა! ყინვაში, ქარში, გრტიგალში გარეთ მომუშავე ყველა პოლიციელი არის გმირი? მათი ხელფასი იცით? იცით რომ მათაც ჰყავთ შვილები, რომლებიც მთვრალი მძღოლების პოტენციური მსხვერპლნი არიან, ისევე როგორც ჩემი შვილიც... გონიერად მივუდგეთ ყველა საკუთარი შვილების აღზრდას...
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49