რიკოთის უღელტეხილზე მოძრაობა შეფერხებულია

რიკოთის უღელტეხილზე ტრანსპორტის მოძრაობა შეფერხებულია. როგორც "ინტერპრესნიუსს" რიკოთის უღელტეხილიდან მგზავრებმა აცნობეს, რიკოთზე ამ წუთებშიც თოვს, რის გამოც ხილვადობა ცუდია.

ამასთან, თოვლის გამო რამდენიმე  მანქანა მოცურდა, თუმცა არავინ დაშავებულა.

გარდა ამისა, უღელტეხილზე არ ატარებენ ე.წ. ტრაილერებს, ხოლო მსუბუქ ავტომანქანებს გადაადგილების უფლება მხოლოდ მოცურების საწინააღმდეგო ჯაჭვების გამოყენებით აქვთ.

გზაზე მოძრაობას საპატრულო პოლიცია არეგულირებს.

"ინტერპრესნიუსი"