სოციალურ ქსელში გავრცელდა ფოტოები, რომელზეც პატრულის მანქანების ახალი მოდელები იყო წარმოდგენილი. იმის დასაზუსტებლად, ჩაანაცვლებს თუ არა ფოტოზე გამოსახული ავტომობილები პატრულის ამჟამინდელ მოდელებს, Ambebi.ge შსს-ს პრესსამსახურის თანამშრომელს, ვიკა კლიმიჩევას დაუკავშირდა.
"შსს-ში ყოველწლიურად მიმდინარეობს ავტოპარკის განახლება. ახალი ავტომობილი შსს-მ საპატრულო პოლიციის ავტოპარკის განახლების მიზნით სატესტო რეჟიმში ჩამოიყვანა. ამ ეტაპზე, დაზუსტებული არ არის, კონკრეტულად ამ ფოტოზე ნაჩვენები მოდელით მოხდება თუ არა ავტოპარკის განახლება. ფოტოზე ნაჩვენები მოდელის გარდა, სხვა მოდელებიც განიხილება",- განაცხადა შსს-ს პრესსამსახურის თანამშრომელმა, ვიკა კლიმიჩევამ.
სალომე შიხაშვილი, Ambebi.ge