American Eagle Outfitters ტურისტებს ურჩევს, სოჭში "რუსული დელიკატესები": ჩურჩხელა, ხაჭაპური და ხინკალი გასინჯონ

რუსული დელიკატესები: ჩურჩხელა, ხაჭაპური და ხინკალი - სწორედ ასეთი წარწერა ამშვენებს ამერიკული ტანსაცმლისა და აქსესუარების რითეილერის American Eagle Outfitters-ის ვებგვერდზე ტურისტებისთვის განთავსებულ ინფორმაციას სოჭის შესახებ.

"60-70-80-იან წლებში სოჭი ძალიან პოპულარული კურორტი იყო და რუსეთის მოსახლეობის 40%-ზე მეტი ერთხელ მაინც იყო იქ ნამყოფი. სოჭში ყოფნისას, შეგიძლიათ დააგემოვნოთ სოჭის განთქმული ჩებურეკი, ხაჭაპური და ხინკალი. დესერტად კი მიირთვით ჩურჩხელა და არ დაგავიწყდეთ და რამდენიმე მათგანი თან გაიყოლეთ თქვენი ოჯახისა და მეგობრებისთვის", - ურჩევს American Eagle Outfitters-ი მომხმარებლებს.

მომზადებულია American Eagle Outfitters-ის მიხედვით.