"დედამიწის საათს" წელს საქართველო მეექვსედ აღნიშნავს
"დედამიწის საათს" წელს საქართველო მეექვსედ აღნიშნავს. ამასთან დაკავშირებით დღეს გარემოსა და ბუნებრივი რესურსების დაცვის სამინისტროში მინისტრი ხათუნა გოგალაძე, გაერო-ს განვითარების პროგრამის წარმომადგენელი ინიტა პაულოვიჩა და CENN-ის აღმასრულებელი დირექტორი ნანა ჯანაშია ერთობლივ პრესკონფერენციას გამართავენ.
სამინისტროს ინფორმაციით, "დედამიწის საათი" გლობალური აქციაა, რომელიც მიზნად ისახავს მსოფლიო ლიდერების მიერ სათბურის აირების ემისიების შემცირებისა და ენერგოეფექტურობის თაობაზე აღებული ვალდებულებების შესრულების მხარდაჭერას.
აქციის ერთ-ერთი უმთავრესი მიზანი, ასევე, მთავრობებისა და რიგითი მოსახლეობის ცნობიერების ამაღლებაა კლიმატის ცვლილებისა და გლობალური დათბობის თემებზე.
როგორც სამინისტროში აცხადებენ, მასობრივი კამპანია გააერთიანებს სამოქალაქო საზოგადოებას, ბიზნეს-სექტორს, საერთაშორისო ორგანიზაციებს, სამთავრობო უწყებებს, სტუდენტებსა და მოქალაქეებს.
"დედამიწის საათი" 29 მარტს, 20:30-დან 21:30 საათამდე აღინიშნება.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
