ხანძარი რადიო "ფორტუნას" შენობაში

მარშალ გელოვანის გამზირზე, რადიო "ფორტუნას" შენობაში ხანძარი ლოკალიზებულია. ცეცხლი მოდებული იყო შენობის სახურავის 300-400 კვადრატულ მეტრ ფართობზე , ამჟამად ცალკეული კერების ჩაქრობა მიმდინარეობს.

როგორც "ინტერპრესნიუსის" კორესპონდენტი ადგილიდან იტყობინება, ხანძრის შედეგად არავინ დაშავებულა. შენობიდან მოქალაქეების გამოყვანა დროულად მოხდა. ხანძრის გამომწვევი მიზეზები უცნობია. ადგილზე 11 სახანძრო ბრიგადა მუშაობდა.