ახალციხეში, კოსტავას ქუჩაზე, დაახლოებით ნახევარი საათის წინ, დაჭრილი ახალგაზრდა მამაკაცი ნახეს, რომელიც სავარაუდოდ, იქვე მდებარე კორპუსიდან გამოვიდა და კორპუსის წინ დაეცა.
დაჭრილი მამაკაცი 37 წლისაა. სასწრაფო დახმარების სამსახურმა იგი უნიმედი სამცხეს სამედიცინო დაწესებულებაში გადაიყვანა.
"აქვს მრავლობითი ჭრილობები გულმკერდის არეში, საკმაოდ მძიმე ავადმყოფია. ვერ ვიტყვი რამდენად შემავალია ეს ჭრილობები. აღმოვუჩინეთ პირველადი დახმარება და გადმოვიყვანეთ საავადმყოფოში", – ამბობს სასწარფო დახმარების ექიმი კონსტანტინე დგებუაძე.
"სამხრეთის კარიბჭე"