მესტიაში ავტოსაგზაო შემთხვევას ორი ადამიანი ემსხვერპლა. როგორც "ინტერპრესნიუსს" ადგილობრივებმა განუცხადეს, ხევში ავტომანქანის გადავარდნის შედეგად გარდაიცვალა სასტუმრო "თეთნულდის" დირექტორი და მისი მეგობარი.
სასტუმროს თანამშრომლების ინფორმაციით, ისინი ავტომანქანით სეირნობდნენ, რა დროსაც ტრაგედია შემთხვევა მოხდა. მათივე ცნობით, მანქანაში მყოფი მცირეწლოვანი ბავშვი მძიმე მდგომარეობაში საავადმყოფოშია გადაყვანილი.
შინაგან საქმეთა სამინისტროს ინფორმაციით კი, მომხდართან დაკავშირებით გამოძიება 276-ე მუხლით დაიწყო, რაც სატრანსპორტო საშუალების ექსპლუატაციის წესის დარღვევას გულისხმობს.