საშინელი ავარია იპოდრომთან: სამი დამტვრეული მანქანა და 4 დაშავებული (+6 ფოტო)

თბილისში, თამარაშვილის ქუჩაზე, იპოდრომთან ახლოს, ავტოავარიის შედეგად 4 ადამიანი დაშავდა. აღნიშნულის შესახებ "ინტერპრესნიუსს" თბილისის საგანგებო და გადაუდებელ სიტუაციათა სააგენტოდან აცნობეს.

როგორც სააგენტოში აცხადებენ, ავტოავარიის შედეგად სამი ავტომობილი დაიმტვრა, კერძოდ, "მაზდას", "ჰუნდაის" და "ბე-ემ-ვეს" მარკის ავტომობილები. ავარიის შედეგად ოთხი პირი დაშავდა.

ადგილზე გამოძახებული იყო სასწრაფო დახმარების ბრიგადები, რომლებსაც დაშავებულები სხვადასხვა საავადმყოფოში გადაჰყავთ.

ავარიის გამომწვევი მიზეზები დგინდება.

იხილეთ ფოტოგალერეა