დედოფლისწყაროში უბედურ შემთხვევას 29 წლის მამაკაცი ემსხვერპლა

დედოფლისწყაროში უბედური შემთხვევა მოხდა. ქვიშის კარიერზე 29 წლის ზაზა ტუხაშვილი გარდაიცვალა. შემთხვევა მაშინ მოხდა, როდესაც იგი კარიერში ქვიშის სამტვრევს ასუფთავებდა. მას 5 ტონა ქვიშა დაეყარა.

ტუხაშვილს რამდენიმე საათის განმავლობაში ეძებდნენ. თვითმხილველების თქმით, იგი გუშინ, გვიან საღამოს უკვე გარდაცვლილი იპოვეს. საქმე აღძრულია სისხლის სამართლის კოდექსის 116-ე მუხლის პირველი ნაწილით, რომელიც გაუფრთხილებლობით სიცოცხლის მოსპობას გულისხმობს. გარდაცვლილი ლევან სამხარაულის სასამართლო-სამედიცინო ექსპერტიზის გურჯაანის ბიუროშია გადასვენებული. გამოძიებას დედოფლისწყაროს რაიონული პოლიცია აწარმოებს.

"ინტერპრესნიუსი"