რამდენიმესაათიანი გადაუღებელი წვიმის შედეგად სამტრედიის ცენტრალური ნაწილი დაიტბორა. პრობლემები შეექმნა ცენტრალურ ქუჩაზე მცხოვრებ მოსახლეობასაც, რადგან მათ წყალი სახლებში შეუვარდა.
ადგილობრივი ხელისუფლების განცხადებით, ყოველი წვიმის შედეგად მსგავსი პრობლემები იქმნება, რადგან ქალაქში მწყობრიდანაა გამოსული საწრეტი არხები. როგორც ადგილობრივ ხელისუფლებაში აღნიშნავენ, ისინი შეძლებისდაგვარად დაეხმარებიან იმ ადამიანებს, რომლებსაც ძლიერი წვიმების გამო პრობლემები შეექმნათ.