რუსთავი-თბილისის გზაზე ტრანსპორტის მოძრაობა პარალიზებულია. მძღოლების ინფორმაციით, ფონიჭალის მონაკვეთიდან ორთაჭალაში შესასვლელამდე გზის გავლას ავტომანქანით საათნახევარზე მეტს ანდომებენ.
როგორც "ინტერპრესნიუსს" ერთ-ერთმა მძღოლმა აცნობა, მტკვრის სანაპირო ზოლთან ორთაჭალის შესასვლელთან გზა წყლით არის სავსე, რაც ტრანსპორტით გადაადგილებას კიდევ უფრო ართულებს.
ამასთან, შსს-ს ინფორმაციით, აღნიშნულ მონაკვეთზე გზის სამშენებლო სამუშაოები მიმდინარეობს, რაც მოძრაობის შეფერხების მიზეზი გახდა. მათივე ცნობით, მოძრაობა რამდენიმე საათში თავისუფალი იქნება.