ტრაგედია დუშეთში: ადგილობრივები ერთ თვეში გარდაცვლილ 14 წლის გოგონასა და მის შეყვარებულზე

დუშეთის რაიონში გასულ თვეში ახალგაზრდა ბიჭი გარდაიცვალა. არაოფიციალური ვერსიით, რომელზეც ერთ-ერთი ადგილობრივი საუბრობს, სიკვდილის მიზეზი ბიო ნარკოტიკი გახდა.

მომხდარიდან ერთი თვის თავზე, სამი დღის წინ დუშეთის რაიონში კიდევ ერთი ახალგაზრდა, 14 წლის გოგონა დაიღუპა. დუშელები ამბობენ, რომ გარდაცვლილი ახალგაზრდები შეყვარებულები იყვნენ. როგორც ადგილობრივები ამბობენ, მას შემდეგ, რაც მცირეწლოვანი გოგონა შეუძლოდ გახდა, ადგილზე გამოიძახეს სასწრაფო დახმარება და გოგონას ჯიბეში თეთრი ფერის ფხვნილი იპოვეს, რაც სავარაუდოდ, გოგონას გარდაცვალების მიზეზი გახდა.

14 წლის გოგონას ხვალ დაკრძალავენ.

AMBEBI.GE