ბოდბისხევში მამაკაცმა ჯერ 28 წლის ქალი მოკლა, მერე თავი მოიკლა

სიღნაღის რაიონის სოფელ ბოდბისხევში მკვლელობა მოხდა. არსებული ინფორმაციით, ცეცხლსასროლი იარაღიდან ერთი გასროლით 28 წლის ქალი თანასოფლელმა მოკლა, რის შემდეგაც სიცოცხლე თვითმკვლელობით დაასრულა .

როგორც "ინტერპრესნიუსს" შინაგან საქმეთა სამინისტროში განუცხადეს, ადგილზე ექსპერტ-კრიმინალისტები მუშაობენ. მათივე განმარტებით, გამოძიება 108-ე მუხლით დაიწყო, რაც განზრახ მკველობას გულისხმობს. გამოძიებას კახეთის მთავარი სამმართველო აწარმოებს.

გვამები გურჯაანის ექსპერტიზის ბიუროშია გადასვენებული. ჯერჯერობით ვერსიებზე ინფორმაცია არ ვრცელდება.

"ინტერპრესნიუსი"