რიკოთის საუღელტეხილო მონაკვეთზე მომხდარი ავტოსაგზაო შემთხვევის შედეგად 6 პირია დაშავებული. რიკოთზე ერთმანეთს 1 სატვირთო და 4 მსუბუქი ავტომანქანა შეეჯახა. შეჯახებას მსხვერპლი არ მოჰყოლია.
როგორც "ინტერპრესნიუსს" შინაგან საქმეთა სამინისტროში განუცხადეს, ავტოსაგზაო შემთხვევის გამო შეფერხებული იყო მოძრაობა, თუმცა, ამ დროისთვის ავტომანქანებს რიკოთის გვირაბის შემოვლითი გზით გადაადგილება შეუძლიათ.
შსს-ს ინფორმაციით მომხდარზე გამოძიება 276-ე მუხლის პირველი ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ჯანმრთელობის ნაკლებად მძიმე დაზიანება.