16 წლის ბიჭი, რომელმაც თავი მოიკლა, ცნობილი რესტორნების მეპატრონის შვილია - "უზრუნველი ცხოვრება ჰქონდა"

თბილისში, ცაბაძის ქუჩაზე 16 წლის ბიჭის გარდაცვალებასთან დაკავშირებით ახალი დეტალები გახდა ცნობილი. როგორც "ინტერპრესნიუსს" გარდაცვლილის ახლობელმა განუცხადა, ახალგაზრდა ცაბაძის ქუჩაზე ინგლისურის მასწავლებელთან დადიოდა.

"დედამ მოიყვანა ინგლისურის მასწავლებელთან და დატოვა. მივიდა თუ არა ბიჭი მასწავლებელთან, ჩვენთვის უცნობია", - განაცხადა გარდაცვლილის ახლობელმა.

მისივე თქმით, რა უნდა მომხდარიყო ბიჭის სავარაუდო თვითმკვლელობის მიზეზი, მათთვის უცნობია.

"უზრუნველი ცხოვრება ჰქონდა, პრობლემა რომელიც მას თვითმკვლელობამდე მიიყვანდა, არ ჰქონია. ბიჭის მშობლები გაშორებულები არიან უკვე ხუთი წელია. მამა უკრაინაში ცხოვრობს. გარდაცვლილს ჰყავს ერთი და და დედა, რომელთა ერთადაც ცხოვრობდა", - აცხადებს ოჯახის ახლობელი.

"ინტერპრესნიუსი"

იხილეთ ვიდეო