გოგონა პარკში გულ-მკერდის არეში იყო დაჭრილი და სისხლისგან იცლებოდა, - ამის შესახებ "ინტერპრესნიუსს" ბათუმის მცხოვრებმა თემურ ვანიძემ დაჭრილი 20 წლამდე გოგონას მდგომარეობის შესახებ დასმული შეკითხვის პასუხად განუცხადა.
როგორც თემურ ვანიძე აცხადებს, იგი დაჭრის ფაქტს არ შესწრებია, თუმცა დაჭრილი გოგონა დაინახა.
"დავინახე, რომ ძირს იყო დავარდნილი და სისხლისგან იცლებოდა. ჩემი ძმაკაცი და თანამშრომლები მიეხმარნენ. მეტი არაფერი დამინახვს. დაჭრილი იყო გულ-მკერდის არეში. მერე სასწრაფო მოვიდა და საავადმყოფოში გადაიყვანეს", - განაცხადა ვანიძემ.
როგორც თვითმხილველები აცხადებენ, გოგონას თან ახლდა ძმა და მამა, თუმცა დაჭრის მომენტში გოგონა მეგობარ ბიჭთან მათგან შორიახლოს საუბრობდა.
ბათუმში, 6 მაისის პარკთან 20 წლამდე გოგონა დაჭრეს.
შს სამინისტროს ინფორმაციით, ეჭვმიტანილი იდენტიფიცირებულია და გამოძიება მიმდინარეობს განზრახ მკვლელობის მცდელობის მუხლით.