მაღალი სიჩქარით მოძრავი BMW-ს მარკის ავტომობილი მოცურდა, ბორდიურს შეეჯახა და ამობრუნდა. ავტოსაგზაო შემთხვევა აშშ-ს საელჩოსთან ახლოს, ბელიაშვილის ქუჩაზე მოხდა. მძღოლმა სხეულის დაზიანება მიიღო და საავადმყოფოშია გადაყვანილი.
თვითმხილველთა ცნობით, ადგილზე მობილიზებული იყო სასწრაფო, საპატრულო და სამაშველო სამსახურები.
შსს ინფორმაციით, მომხდარ შემთხვევასთან დაკავშირებით საქმე "სისხლის სამართლის კოდექსის" 276-ე მუხლის პირველი ნაწილით აღიძრა. აღნიშნული მუხლი პასუხისმგებლობას ტრანსპორტის მოძრაობის უსაფრთხოების ან ექსპლუატაციის წესის დარღვევაზე ითვალისწინებს.