თბილისში, მეტრო "ისანთან" ქვეითად მოსიარულე ცოლ-ქმარს ავტომობილი დაეჯახა. დაშავებულები სასწრაფო-სამედიცინო დახმარების ბრიგადამ საავადმყოფოში გადაიყვანა.
როგორც "ინტერპრესნიუსს" შინაგან საქმეთა სამინისტროში განუცხადეს, ფაქტზე გამოძიება 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს. მათი ინფორმაციით, ავტომობილის მძღოლი ადგილიდან არ მიმალულა.