ქუთაისში ავარიის შედეგად გარდაცვლილი დედისა და შვილის ვინაობა ცნობილია

ქუთაისში, ბალახვანის ხიდთან ავარიის შედეგად ახალგაზრდა ქალი და მცირეწლოვანი ბავშვი დაიღუპა. თვითმხილველთა თქმით, ხიდზე გადაჭარბებული სიჩქარით მოძრავი ავტომანქანა წინ მიმავალი ავტომობილისთვის გასწრებას ცდილობდა, რა დროსაც ჯერ მანქანას, ხოლო შემდეგ დედას და ორ მცირეწლოვანს დაეჯახა.

იხილეთ ვიდეო

kutaisitoday.com–ისთვის ცნობილი გახდა გარდაცვლილი დედის ვინაობა. ის სკოლა "პროგრესის" ინგლისურის პედაგოგი ელენე კიკვიძეა, რომელიც შემთხვევის დროს მცირეწლოვან შვილთან და დისშვილთან ერთად იმყოფებოდა. ავარიის შედეგად დაიღუპა ელენე კიკვიძე და მისი შვილი, დისშვილის მდგომარეობა მძიმეა და ის საავადმყოფოშია გადაყვანილი.

მომხდარზე საქმე "სისხლის სამართლის კოდექსის" 276-ე მუხლის მე-5 ნაწილით არის აღძრული.