ზუგდიდის რაიონის სოფელ კორცხელში ივერიის ღვთისმშობლის სახელობის დედათა მონასტერს ცეცხლი გაუჩნდა. სახანძრო-სამაშველო სამსახურის რამდენიმე ბრიგადა მონასტრის ტერიტორიაზე ამ დრომდე მუშაობს და ცეცხლის ლოკალიზებას ცდილობს.
როგორც "ინტერპრესნიუსს" მონასტერში განუმარტეს, მათთვის უცნობია ხანძრის გამომწვევი ზუსტი მიზეზები, თუმცა, იციან, რომ ხანძარი სხვენში გაჩნდა. მათ მონასტერში არსებული გარკვეული ნივთების გამოტანა და გადარჩენა შეძლეს.