თბილისში, ვეფხვისა და მოყმის ძეგლთან ქვეითად მოსიარულე ახალგაზრდა გოგონას ავტომობილი დაეჯახა. შემთხვევა რამდენიმე წუთის წინ მოხდა. დაშავებული სხეულის მსუბუქი დაზიანებით საავადმყოფოშია გადაყვანილი.
როგორც Ambebi.ge-ს შინაგან საქმეთა სამინისტროს პრესსამსახურში განუცხადეს, ფაქტზე გამოძიება დაწყებულია 276-ე მუხლის პირველი ნაწილით, რაც სატრანსპორტო საშუალების ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.