ლომისობის დღესასწაულზე დაშავებულ 80 ადამიანს მაშველების დახმარება დასჭირდა

შსს-ს საგანგებო სიტუაციების მართვის სააგენტოს თანამშრომლებმა ლომისობის დღესასწაულზე, დუშეთის რაიონის სოფელ მლეთაში 80 დაშავებულს დახმარება გაუწიეს.

საგანგებო სიტუაციების მართვის სააგენტოს ინფორმაციით, ლომისობის დღესასწაულის აღსანიშნავად საქართველოს სხვადასხვა კუთხიდან ჩამოსული მომლოცველები რთული რელიეფის გამო დაშავდნენ.

დღესასწაულთან დაკავშირებით 60 მაშველი, პრევენციის მიზნით, სოფელში გუშინ დილის ექვსი საათიდან იყო მობილიზებული.

იხილეთ ვიდეო