მეტრო "მარჯანიშვილში" ლიანდაგებში ქალი ჩავარდა

მეტროსადგურ "მარჯანიშვილში", მატარებლის ლიანდაგებში 36 წლის ქალი ჩავარდა. როგორც AMBEBI.GE-ს თბილისის სატრანსპორტო კომპანიის პრესსამსახურში განუცხადეს, შემთხვევა 10.18 საათზე მოხდა.

მათივე განმარტებით, ბაქანზე შესვლამდე მემანქანემ მატარებლის დროული დამუხრუჭება შეძლო, შესაბამისად, ქალს სერიოზული დაზიანებები არ მიუღია.

"ქალი მატარებლის ლიანდაგებიდან უსაფრთხოდ ამოიყვანეს. ამ მიზნით მეტროპოლიტენის სადგურზე 10 წუთით ძაბვა გამორთეს", - განაცხადეს თბილისის სატრანსპორტო კომპანიაში.

ლიანდაგებში ქალის ჩავარდნის მიზეზი ჯერჯერობით უცნობია.