ბარათაშვილის ხიდთან ავარია მოხდა

თბილისში, ბარათაშვილის ხიდთან ორი ავტომანქანა ერთმანეთს შეეჯახა. ავტოსაგზაო შემთხვევა წუხელ მოხდა. შემთხვევის შედეგად ორი პირი სხეულის საშუალო დაზიანებით საავადმყოფოში გადაიყვანეს.

როგორც "ინტერპრესნიუსს" შინაგან საქმეთა სამინისტროში განუცხადეს, გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.