ტყიბულის რაიონის სოფელ საწირეში ავარიის შედეგად 10 წლის ბავშვი დაიღუპა. ავარიის დროს დაშავდა ასევე 35 წლამდე მამაკაცი, რომელსაც პირველადი დახმარება ტყიბულის საავადმყოფოში ჩაუტარეს, შემდეგ კი რეანომობილით ქუთაისში, წმინდა ნინოს საავადმყოფოში გადაიყვანეს. როგორც ექიმები ამბობენ, პაციენტის მდგომარეობა მძიმეა. გარდაცვლილი ბავშვი ქუთაისის ექსპერტიზის ბიუროში გადაასვენეს.