რუსთავში, მდინარე მტკვარში წუხელ ღამით 21 წლის მამაკაცის ცხედარი იპოვეს. დაღუპული იდენტიფიცირებულია. 21 წლის გიორგი ზაბახიძის ოჯახის წევრებისა და მეზობლების მტკიცებით, გარდაცვლილს სხეულზე სხვადასხვა დაზიანება და სისხლჩაქცევები აღენიშნება. სწორედ აღნიშნულიდან გამომდინარე, ახლობლები ეჭვობენ, რომ ახალგაზრდა ჯერ მოკლეს, შემდეგ კი ცხედარი მდინარეში გადააგდეს.
როგორც "ინტერპრესნიუსს" შსს-ში განუცხადეს, საქმე "სისხლის სამართლის კოდექსის" 115-ე მუხლით აღიძრა, რაც თვითმკვლელობამდე მიყვანას გულისხმობს.