ახალციხის მუნიციპალიტეტში სოფელ აწყურთან, ავტოსაგზაო შემთხვევა მოხდა, რის შედეგადაც ერთი ადამიანი გარდაიცვალა, ექვსი კი მძიმედ დაშავდა. არსებული ინფორმაციით ერთმანეთს სატვირთო ავტომობილი და ახალციხე-ხაშურის სამგზავრო მიკროავტობუსი შეეჯახა.
როგორც "ინტერპრესნიუსს" შს სამინისტროდან აცნობეს, ამ დროისათვის გამოძიება სსკ-ის 276-ე მუხლის პირველი ნაწილით მიმდინარეობს, თუმცა რადგან შემთხვევას მსხვერპლი მოჰყვა, ის მეხუთე ნაწილით გადაკვალიფიცირდება. აღნიშნული მუხლი, ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს,რამაც გამოიწვია ადამიანის სიცოცხლის მოსპობა.