საქართველოს ორ სხვადასხვა რეგიონში მიწისძვრა მოხდა

გამთენიისას საქართველოში მიწისძვრის ორი შემთხვევა დაფიქსირდა. როგორც "ინტერპრესნიუსს" ილიას სახელმწიფო უნივერსიტეტის სეისმური მონიტორინგის ცენტრიდან აცნობეს, მიწისძვის პირველი შემთხვევა დღეს, 03:24 საათზე მოხდა და ეპიცენტრი გორში იყო. მიწისძვრის სიმძლავრე 3 მაგნიტუდას შეადგენდა. აღნიშნული შემთხვევიდან 2 წუთში, 03:26 საათზე, კიდევ ერთი მიწისძვრის ბიძგები დაფიქსირდა. მიწისძვრის ეპიცენტრი ყაზბეგის რაიონის სოფელი გველეთი იყო. სიმძლავრე 3,1 მაგნიტუდას შეადგენდა.