ურეკში ავტოსაგზაო შემთხვევას ოთხი ადამიანი ემსხვერპლა. გადაჭარბებული სიჩქარით მოძრავი მსუბუქი ავტომობილი გზის საპირისპირო ზოლში გადავიდა და ტრაილერს შეეჯახა. უკან მომავალმა მეორე ტრაილერმაც საჭე ვერ დაიმორჩილა და გზის სავალი ნაწილიდან გადავიდა.
მსუბუქი ავტომობილის ოთხივე მგზავრი გარდაცვლილია. გამოძიება საქართველოს სისხლის სამართლის კოდექსის 276-ე მუხლის მეშვიდე ნაწილით მიმდინარეობს.