ქუთაისში, ავტომშენებლის ქუჩაზე საპატრულო პოლიციის თანამშრომლებმა პოლიეთილენის პარკში გახვეული ახალშობილი იპოვეს.
ამის შესახებ იმერეთის ახალი ამბების სააგენტო topnews.com.ge-ს თვითმხილველებმა განუცხადეს. მათი თქმით, ახალშობილი ცოტა ხნის წინ საავადმყოფოში გადაიყვანეს.
როგორც ცნობილია, ახალშობილის ჯანმრთელობის მდგომარეობა სტაბილურია.
topnews.com.ge შინაგან საქმეთა სამინისტროს დაუკავშირდა, უწყების პრესსამსახურში აცხადებენ, რომ მომხდართან დაკავშირებით, გამოძიება 173-ე მუხლით მიმდინარეობს, რაც შვილად ან შვილობილად აყვანის წესების დარღვევას გულისხმობს.