ბათუმში, ჭავჭავაძის ქუჩაზე ავტოსაგზაო შემთხვევის შედეგად სამი ადამიანი დაშავდა. ერთმანეთს მიკროავტობუსი და სატვირთო ავტომობილი შეეჯახა. დაშავებულები სასწრაფო სამედიცინო დახმარების ბრიგადამ ბათუმის რესპუბლიკურ საავადმყოფოში გადაიყვანა.
როგორც ბათუმის სასწრაფო-სამედიცინო ცენტრის დირექტორის მოადგილე ბადრი პაქასაძემ განაცხადა, პირველადი დათვალიერებით ერთ-ერთ პაციენტს ნეკნები აქვს დაზიანებული.
შინაგან საქმეთა სამინისტროს ინფორმაციით, ავტოსაგზაო შემთხვევასთან დაკავშირებით გამოძიება 276-ე მუხლის პირველი ნაწილით დაიწყო, რაც ავტოტრანსპორტის ექსპლუატაციის წესის დარღვევას გულისხმობს, რამაც ჯანმრთელობის დაზიანება გამოიწვია.