ქობულეთში, სოფელ ოჩხამურის ტერიტორიაზე მამაკაცის ცხედარი იპოვეს. შინაგან საქმეთა სამინისტროს ინფორმაციით, გარდაცვლილი დაკარგული მონადირე ჯემალ მორჩილაძეა, რომელიც დაახლოებით ერთი თვის წინ სანადიროდ წავიდა და გაუჩინარდა. ამჟამად ცხედარს ექსპერტიზა უტარდება, თუმცა ოჯახის წევრებმა ის უკვე ამოიცნეს.
სამძებრო სამუშაოებში სამაშველო სამსახურისა და სამართალდამცავი ორგანოების თანამშრომლები იყვნენ ჩართული. უწყების ცნობით, ფაქტთან დაკავშირებით გამოძიება სისხლის სამართლის კოდექსის 115-ე მუხლით დაიწყო, რაც თვითმკველელობამდე მიყვანას გულისხმობს.