ხაშურში ავტოსაგზაო შემთხვევის შედეგად ორი ადამიანი გარდაიცვალა. როგორც "ინტერპრესნიუსს" შინაგან საქმეთა სამინისტროში განუცხადეს, გარდაცვლილია მამა-შვილი. მათივე ინფორმაციით, "ოპელის" მარკის ავტომობილი, რომელშიც მამა-შვილი იჯდა, ხეს შეეჯახა.
აღნიშნულ ფაქტზე დაწყებულია გამოძიება 276-ე მუხლის მე-5 ნაწილით, რაც სატრანსპორტო საშუალების ექსპლუატაციის ან უსაფრთხოების წესის დარღვევას გულისხმობს, რამაც ადამიანის გარდაცვალება გამოიწვია.