წინასწარი ინფორმაციით, კულტურისა და დასვენების პარკის მიმდებარე ტერიტორიაზე, ტყეში არსებულ ქვის სათლელ საამქროში გაჩენილ ხანძარს, გამთენიისას ახალგაზრდა მამაკაცი ემსხვერპლა, რომელიც საახელოსნოში დარაჯად მუშაობდა.
საამქროს ტერიტორიაზე დამწვარია ყველა ნაგებობა. არსებული ინფორმაციით, მამაკაცს დარაჯის ოთახში ეძინა და ხანძრის დროს წარმოქმნილი კვამლით გაიგუდა.
მომხდართან დაკავშირებით აღძრულია სისხლის სამართლის საქმე და მიმდინარეობს გამოძიება.