საქართველოში ქარის სიმძლავრემ გრიგალის ნიშნულს მიაღწია

საქართველოში ქარის სიმძლავრემ გრიგალის ნიშნულს მიაღწია

საქართველოში ქარის სიმძლავრემ გრიგალის ნიშნულს მიაღწია. ამის შესახებ "ინტერპრესნიუსს" გარემოს ეროვნული სააგენტოს ჰიდრომეტეოროლოგიური პროგნოზების ცენტრში განუცხადეს.

ცენტრის უფროსის, სვეტლანა ნიორაძის განცხადებით, რამდენიმე წუთის წინ ქარის სიჩქარემ 32 მეტრი წამში შეადგინა. ნიორაძის თქმით, ძლიერი ქარი, ქვეყნის მასტაბით მთელი ღამის განმავლობაში შენარჩუნდება, თუმცა, ქარის გაძლიერება მოსალოდნელი არ არის.

"ბოლო ინფორმაციით, ქარის სიმძლავრე 32 მეტრი წამში დაფიქსირდა, რაც უკვე გრიგალის მნიშვნელობისაა. ძლიერი ქარი შენარჩუნდება მთელი ღამის განმავლობაში. ქარი იქნება ხვალ დღის საათებშიც, თუმცა მისი გაძლიერება მოსალოდნელი არ არის", - განაცხადა სვეტლანა ნიორაძემ.

როგორც "ინტერპრესნიუსს" საგანგებო სიტუაციების მართვის სამსახურში განუცხადეს, დღის მეორე ნახევარში გამოძახებებმა იმატა. სააგენტოს პრესსამსახურის ცნობით, ამ დროის მონაცემებით დაშავებულთა შესახებ ინფორმაცია არ არსებობს.

"დღის პირველ ნახევარში გამოძახებები ფიქსირდებოდა გარეუბნებში, დღის მეორე ნახევრიდან კი თითქმის ყველა უბნიდან დაფიქსირდა გამოძახება. დაშავებულთა შესახებ ინფორმაცია არ არსებობს", - აცხადებენ საგანგებო სიტუაციების მართვის სააგენტოში.

იხილეთ ვიდეო

ასევე იხილეთ: მოგლეჯილი ხეები, დაზიანებული სახლები, დამტვრეული ავტომობილი - ძლიერმა ქარმა თბილისსა და რეგიონებში პრობლემები შექმნა

ბამბის რიგში რესტორანი იწვის - ადგილზე 4 სახანძრო მუშაობს

დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე

ძლიერი ხანძარი თბილისში - ბაზრობა "თერგის" მეორე სართულზე ღია ცეცხლია