დღეს დილით მომხდარ ავტოავარიას ახალგაზრდა ბიჭის სიცოცხლე ემსხვერპლა. გარდაცვლილი გურამ ზურაბაშვილია. როგორც "ამბები.გე"-ს გარდაცვლილის ახლობელმა განუცხადა, გურამი საჭესთან თავად იჯდა და ავარია ორხევში, საკუთარ კორპუსთან შეემთხვა. ცხედარს ამჯერად ექსპერტიზა უტარდება.
შინაგან საქმეთა სამინისტროს პრესსამსახურის განცხადებით, მომხდართან დაკავშირებით მიმდინარეობს გამოძიება 276-ე მუხლის მეხუთე ნაწილით, რაც უსაფრთხოების ნორმების დარღვევას გულისხმობს, რამაც ადამიანის გარდაცვალება გამოიწვია.