დიღომში, აღმაშენებლის ხეივანსა და მიქელაძის ქუჩის კუთხეში გაჩენილი ხანძარი ამ დროისთვის ლოკალიზებულია, - ამის შესახებ "ინტერპრესნიუსს" საგანგებო სიტუაციების მართვის სააგენტოში განუცხადეს.
მათივე ინფორმაციით, ცეცხლი 60 კვადრატული მეტრი ფართის დამხმარე ნაგებობას გაუჩნდა.
როგორც საგანგებო სიტუაციების მართვის სააგენტოში აცხადებენ, შემთხვევის შედეგად არავინ დაშავებულა.
ადგილზე 2 სახანძრო ბრიგადა მუშაობს.