ზუგდიდში, თამბაქოს საწყობის ტერიტორიაზე საღამოს საათებში აფეთქება მოხდა. აფეთქების შედეგად დაინგრა შენობის კედლები და გაჩნდა ხანძარი.
აფეთქებული საწყობის ტერიტორიაზე მამაკაცის ცხედარია ნაპოვნი. როგორც "ინტერპრესნიუსის" კორესპონდენტი შემთხვევის ადგილიდან იტყობინება, ადგილზე ექსპერტ-კრიმინალისტები მუშაობენ და მიმდინარეობს საგამოძიებო მოქმედებები. ხანძარი ლოკალიზებულია.