ხელვაჩაურში, ე.წ "ოცნების ქალაქში" დაახლოებით სამი ხის ფიცრული დაიწვა. შემთხვევის შედეგად არავინ დაშავებულა. ხანძრის გამომწვევი მიზეზი უცნობია. როგორც "ინტერპრესნიუსის" კორესპონდენტი თვითმხილველებზე დაყრდნობით იუწყება, ფიცრულში მცხოვრებლები ხანძრის დროს სახლში არ იმყოფებოდნენ.
ადგილზე მობილიზებულია სასწრაფო, სახანძრო, სამაშველო სამსახურის თანამშრომლები. ამ დროისთვის ხანძარი ლიკვიდირებულია.
საქართველოს შინაგან საქმეთა სამინისტროს ცნობით, გამოძიება სსკ 187 მუხლით დაიწყო, რაც ნივთის დაზიანებას ან განადგურებას გულისხმობს.