ავტოსაგზაო შემთხვევა მოხდა თბილისი-რუსთავი-წითელი ხიდის ავტომაგისტრალზე. "ჟიგულის" მარკის ავტომანქანის მძღოლმა საჭე ვერ დაიმორჩილა, გზის სავალი ნაწილიდან გადავიდა და ამობრუნდა.
ადგილზე მობილიზებული იყო საპატრულო პოლიცია და სასწრაფო დახმარების ბრიგადა. ავტოსაგზაო შემთხვევის შედეგად მძღოლმა და მგზავრმა საშუალო სიმძიმის დაზიანებები მიიღეს. ისინი სასწრაფო დახმარების ბრიგადამ რუსთავის საავადმყოფოში გადაიყვანა.