გორში, მდინარე ლიახვის ნაპირას გამნაღმველებმა ძველი სასწავლო ჭურვი გააუვნებელყვეს.
როგორც "ინტერპრესნიუსს" შინაგან საქმეთა სამინისტროდან აცნობეს, მდინარის ნაპირზე უცხო ნივთის აღმოჩენისას ადგილზე სამართალდამცველებმა გამნაღმველები გამოიძახეს.
"ძველი სასწავლო ჭურვი გამნაღმველებმა ადგილზე გააუვნებელყვეს. ფაქტზე აღძრულია საქმე სისხლის სამართლის კოდექსის 236-ე მუხლის მეორე ნაწილით", - აცხადებენ სამინისტროში.