გლდანში ხანძარია. ცეცხლი სასჯელაღსრულების მერვე დაწესებულების მიმდებარედ, ხევზეა გაჩენილი. ცეცხლი დაახლოებით 5 ათას კვადრატულ მეტრ ფართზე გამხმარ ბალახს უკიდია.
როგორც ”ინტერპრესნიუსს” საქართველოს შინაგან საქმეთა სამინისტროს სსიპ საგანგებო სიტუაციების მართვის სააგენტოში განუცხადეს, ცეცხლი უკვე ლოკალიზებულია და მეხანძრე -მაშველები ხანძრის სალიკვიდაციო სამუშაოებში არიან ჩართული.