საგარეჯოს რაიონის სოფელ ბადიაურში მომხდარ ავარიას 17 წლის ბიჭი ემსხვერპლა. ერთმანეთს საპირისპირო მიმართულებით მოძრავი "ჰონდას" და "ფორდის" მარკის ავტომობილები შეეჯახნენ. ახალგაზრდა მამაკაცი ადგილზე გარდაიცვალა.
როგორც Ambebi.ge-ს შინაგან საქმეთა სამინისტროს პრესსამსახურში განუცხადეს, მომხდართან დაკავშირებით გამოძიება სსკ-ის 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.