ქობულეთში მეწყერის ქვეშ მსუბუქი ავტომობილი მოჰყვა, რომელშიც ორი მცირეწლოვანი ბავშვი იმყოფებოდა

ქობულეთში მეწყერის ქვეშ მსუბუქი ავტომობილი მოჰყვა, რომელშიც ორი მცირეწლოვანი ბავშვი იმყოფებოდა

ქობულეთში, ძლიერი წვიმის შედეგად ღამის განმავლობაში სხვადასხვა სოფელში საცხოვრებელ სახლებთან მეწყერი ჩამოწვა. მოგლეჯილია ხეები. სტიქიის დროს ჩამოწოლილ მიწის მასაში მსუბუქი ავტომობილი მოჰყვა. სამაშველო სამსახურის თანამშრომლებმა ავტომობილში მსხდომი ოთხივე მოქალაქე უვნებლად ამოიყვანეს, მათ შორის ორი მცირეწლოვანი ბავშვი იყო.

რთული ვითარება შეიქმნა სოფელ ქობულეთში, სადაც ერთ-ერთი ოჯახის ევაკუირება გახდა საჭირო. მეწყერის შედეგად დაზარალებული ოჯახები უსაფრთხო ადგილზე არიან გადაყვანილი.

ქობულეთის სოფლებში ჩამოწოლილმა მეწყერმა საავტომობილო გზაზე შეფერხებაც გამოიწვია. ადგილზე მობილიზებულია აჭარის საგზაო დეპარტამენტის მძიმე ტექნიკა და გზების გაწმენდა მიმდინარეობს. ქობულეთის გამგეობის ინფორმაციით, ძლიერი წვიმის შედეგად მუნიციპალიტეტში 10-ზე მეტი ოჯახი დაზარალდა. მათივე ცნობით, უწყებაში სპეციალური შტაბი ამოქმედდა.

ბამბის რიგში რესტორანი იწვის - ადგილზე 4 სახანძრო მუშაობს

დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე

ძლიერი ხანძარი თბილისში - ბაზრობა "თერგის" მეორე სართულზე ღია ცეცხლია