ბათუმში, სასტუმროს მშენებლობაზე ხარაჩოს ჩამოშლის შედეგად 5 მუშა დაშავდა

ბათუმში, იუსტიციის სახლის მიმდებარედ მულტიფუნქციური ცენტრის - "ალიანს პალასის" მშენებლობაზე ხარაჩოს ჩამოშლის შედეგად 5 ადამიანი დაშავდა.

როგორც "ინტერპრესნიუსს" მშენებლობაზე მყოფებმა აცნობეს, ხარაჩო იმ დროს დაიშალა, როცა ბეტონის ჩასხმის სამუშაოები მიმდინარეობდა. სამუშაოებს მუშები მესამე სართულზე აწარმოებდნენ.

თვითმხილველების ცნობით, დაშავებულები სასწრაფო დახმარების მანქანამ წაიყვანა,ხუთივე დაშავებული საავადმყოფოში გადაყვანის დროს კონტაქტური იყო.

ადგილზე საპატრულო პოლიცია იმყოფება.

"ინტერპრესნიუსი"