ცაგერში სკოლის მოსწავლეს სანადირო თოფი გაუვარდა და თვითდაზიანება მიიყენა. აღნიშნული ინფორმაცია „ინტერპრესნიუსს“ შსს-ში დაუდასტურეს. როგორც უწყებაში განმარტავენ, მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. შემთხვევა სკოლის მოსწავლის საცხოვრებელ სახლში მოხდა.
დაშავებულ სკოლის მოსწავლეს გადაუდებელი ოპერაცია ჩაუტარდა. მის სიცოცხლეს საფრთხე არ ემუქრება.